蘇玉華雖被封廚神，但她仍嫌自己廚藝還未到家，日前記者邀蘇玉華到法國餐廳LaBrasserie，跟助理總廚Jackson學煮法國菜。蘇玉華甫踏入廚房，已引起陣陣哄動，人人爭相跟她合照，當正她是真正的廚神看待，場面好不熱鬧！
起骨手勢一流
當日Jackson教蘇玉華弄的主菜名為「法國雞捲配青瓜麵伴香茅鮮奶泡」，Jackson邊講解邊向蘇玉華示範一次，然後由蘇玉華親自上陣炮製，待完成後再給Jackson品嚐評分，結果Jackson給蘇玉華70分，並大讚她起雞骨手勢一流。
Jackson說：「佢領悟力都好強，煮嘢食手勢都好純熟，煮出嚟味道都唔錯，不過，我最欣賞係佢起雞骨嘅手勢，因為起骨嗰陣一落錯位嘅話，就好難再起落去。」
Jackson的美言逗得蘇玉華開心不已，她說：「今次係我第一次整正宗法國菜，我其實幾有興趣學，因為整法國菜好多技巧、好精細、賣相仲相當靚㖭！」
問到蘇玉華有沒有興趣開餐廳親自下廚為客人烹調美食時，她笑說：「都有㗎！但我個人嚟講，最大興趣始終係演戲！」
