政府聲稱強政勵治，但有啲事情反應遲鈍，好似公平競爭法，目前正諮詢公眾應否制訂跨行業嘅公平競爭條例，立法與否就未有決定。民主黨代表噚日舉行簽名會，希望收集市民簽名，利用輿論壓力迫使政府早日立法，阻止跨行業壟斷，締造公平競爭嘅環境。消委會早前邀請部份行業代表表達意見，發現好似地產代理等行業，市場都集中喺大公司手中，問題需要正視。