周汶錡、熊黛林、陳嘉容及姚書軼等一班名模昨日在尖沙嘴義賣月曆，為聯合國兒童基金籌款，現場以周汶錡最受歡迎，吸引一批女fans排隊。
吳文忻近日以100萬酬金成為整容代言人，周汶錡對此說：「我冇睇報道，但覺得好恐怖。我覺得靚唔靚都好，最緊要自然為主，人工修飾、唔郁嘅，冇動感，係睇得出，唔會靚㗎。」聽她娓娓道來，似乎對整容瞭如指掌，難道不怕被指是過來人？周汶錡說：「唔怕喇，我都俾人話到慣喇。其實一個人唔同年紀、唔同階段或心情，樣貌都會有唔同㗎啦。」問周汶錡若有100萬酬金，可願意擔任整容代言人？她即時耍手擰頭說：「唔需要喇，我夠靚喇！」
台灣近期盛傳模特兒食大麻減肥，周汶錡也極力反對說：「太瘦唔好，女仔有少少肉，健康先有福氣，千祈唔好暴瘦，冇晒肉人好亁、好憔悴，就冇晒女仔味道。」
熊黛林送自己
此外，熊黛林又被追問送甚麼禮物予郭富城，她儍笑不答，記者笑她應送上自己，她也幽自己一默以廣東話說：「係呀，縛埋絲帶添呀！」那可想收到城城的《對你愛不完》專輯，她又轉回用國語說：「這是他第一張專輯呀，送甚麼都沒所謂，只要有心就成。」
採訪：梁錦雯
攝影：仇志德
