聖誕新年就快嚟，唔少球迷都希望喺波仔度贏番多少錢，送聖誕禮物畀屋企人，或者同女朋友食聖誕大餐，都可以闊綽啲。英超加開快車，通常兵源較多嘅強隊，表現都會好啲，今個星期六唔好拗頸，向強隊埋手，但求穩中求勝。
全日最穩當然係利物浦主場對屈福特，馬會呢邊開個1.16倍主W，海外莊家一般都開讓球半/兩球低水，甚至有兩球高水嘅盤口。利物浦近期表現咁勁，最主要原因係前鋒比拿美翻生，近3仗聯賽共入3球，加上謝拉特、古積特保持水準，全隊更入足11球；今次主場對屈福特，以屈仔近期作客比賽嚟睇，都係死守望1分，如果一吓唔好彩早段失波，反撲更加無力，輸多3、4球係意料之內。利物浦「主勝」𠵱家有1.65倍，當讓球半嚟賭，唔好多心。
曼聯車仔2串1
曼聯、車路士就作客出擊，牌面上就贏晒，不過開個「讓球主客和」出嚟，要你估佢哋贏一球定兩球？真係好傷腦筋，反正曼聯客W有1.55倍，車路士客W有1.35倍，整條2串1啱啱有兩倍，賭兩場穩陣嘅，點都好過博一場唔清唔楚嘅賽事，呢條2串1要得過。
謝利
立博亞洲區首席博彩顧問
電郵：[email protected]