李彩華、黃子華、張達明及李璨琛等前晚在九龍城出席新片《嚦咕嚦咕對對碰》煞科宴，席間眾人互相繪畫對方的樣貌，畫得好的會被製成教人打台灣牌的卡片。
阿Rain透露平時也會打台灣牌，只是不懂得計番數，她說：「拍戲時同黃子華用啤牌玩層層叠，俾佢呃晒啲錢，輸咗幾百蚊，佢仲吼我瞓覺影我相，成日整蠱人。」子華則笑謂因阿Rain愛用手指篤他的「笑穴」，才會作出報復，他說：「佢嘅罪證足以摧毀佢嘅事業，人來人往嘅地方都瞓得着，同死冇乜分別。」
拒談吳文忻整容
吳文忻最近應阿Rain過氣緋聞男友蕭定一旗下美容院邀請，擔任整容明星代言人，對此阿Rain煞有介事地說：「佢開心咪得囉。」那麼她又有沒有勇氣整容？阿Rain口窒窒說：「暫時唔需要啦。人哋嘅事我唔講呀，講過第二啲啦。」她如此避忌，難道與吳文忻不和？阿Rain說：「唔係，敏感問題，唔知點講呀，好驚呀。」她又謂蕭定一沒有找她，她說：「我只係纖體㗎咋。」阿Rain曾被指打針瘦面，但她否認此事，只謂面瘦是減肥成功。
採訪：魯萍
攝影：陳順禎
