【廣州直擊】明日將是李嘉欣與許晉亨拍拖後首個平安夜，嘉欣前晚在廣州出席活動時，揚言會與男友一起慶祝聖誕，表示自己喜歡到寒冷一點的地方過節，又說希望到非洲結婚，似向男友有所暗示。
李嘉欣和林峯前晚到廣州麗柏廣場擔任亮燈儀式嘉賓及表演嘉賓，大會並送上一個戴上Fendi手袋及Dior頸鏈的啤啤熊給嘉欣作禮物。
未買聖誕禮物
今年是嘉欣與許晉亨拍拖後首個聖誕佳節，問她將如何度過時，她說：「佢冇特別同我講過，但都會同佢一齊過，不過我就想到凍啲嘅地方，但我唔識滑雪。」問送甚麼聖誕禮物給男友時，嘉欣大感困擾地表示：「好難諗，通常最後幾分鐘至shopping。」
猶記得嘉欣今年的生日願望是希望早日找到白馬王子，問她是否如願以償？嘉欣笑道：「唔鍾意就唔拍拖啦！此時此刻就係囉。」
絕不未婚產子
未知將來嘉欣可有意效法李家誠和徐子淇舉行世紀婚禮？或是到外國結婚？嘉欣笑說：「兩個人之中，如果冇記者採訪已經係世紀婚禮，結婚冇人知，幾好吖！去邊度結都冇所謂，非洲都幾好吖，未去過。結婚要安排記者採訪都幾辛苦。」問她何時計劃生BB？嘉欣道：「唔會啦，大家只係拍咗幾個月，生BB同結婚，對我嚟講係遙不可及嘅事。」有人問她可會未婚產子時，嘉欣語氣肯定說：「唔會，屋企人比較傳統。」
此外，林峯揚言唱兩首歌的酬勞足夠買聖誕禮物給家人，而前晚原來是他首次跟嘉欣同場做嘉賓，他說：「自己細細個就睇佢，真係想見吓佢點樣會keep得咁好，咁多年都冇變。」未知他是否想找個像嘉欣的女友時，他笑道：「自己冇時間陪對方，好危險㗎！」
採訪、攝影：林妃
