古巨基前晚舉行音樂會，論盡結婚藝人，先大爆陳輝虹與音樂人黃丹儀將於本月26日結婚，又指梁漢文會做07新郎，更大讚新婚的李克勤好腰力。其間基仔將各人的經典金曲配上有味歌詞，玩盡上述三位新郎，認真抵死。
古巨基前晚在九展演出「RoadShowLive古巨基音樂會」，請來方力申及張佳添任嘉賓。早前本報報道陳輝虹與黃丹儀將於本月26日註冊，基仔前晚也說：「最近好多朋友結婚，黃丹儀係其中一個，boxingday後要叫做陳太。」之後他唱女方作曲的《歡樂今宵》，將歌詞改為「歡樂今宵，丹儀偷笑，聖誕節後輝虹謝了。」基仔解釋：「做新娘唔可以笑得個嘴咁大，只可以偷笑，你哋好諗第二啲，輝虹搞完婚禮一定好忙，先會謝晒。」
讚克勤好腰力
基仔又謂梁漢文將於明年結婚，但他表示只是從報章上得知。當講到新婚的李克勤時，基仔即唱出對方的《Victory》，將歌詞改為「瞓覺瞓覺用腰力」；而唱《舊歡如夢》時，基仔更學對方擺腰，全場大笑。基仔說：「唔明點解克勤咁勁，做幾分鐘都冇事，我做分幾鐘都唔掂！」不過方力申出場後卻揶揄基仔，謂有雜誌報道他明年小登科，基仔笑道：「你夠有官方答案啦，問親都話冇拍拖，我唔搞你，你唔好搞我呀！」
否認踢爆婚期
演唱期間，台下忽然有四名男子高舉寫着「情侶去死」的牌大叫：「去死啦，去死啦！」嚇呆在旁歌迷，保安即將四人帶走。原來這只是基仔與該組織跟歌迷開個玩笑，基仔笑道：「呢個『情侶去死去死團』係97年一班東京街頭嘅單身男女成立㗎，後來傳去台灣，傳嚟香港之後再傳嚟九展。單身未必係絕路，絕戀也可以逢生。」
事後基仔否認踢爆黃丹儀婚期，他說：「我睇報紙寫，我冇收過帖。」至於被小方取笑結婚傳聞，基仔謂：「我要澄清冇咁嘅事，不過小方玩氣氛冇所謂。」
採訪：李珮洳
攝影：陳慧安
