明天就係平安夜，各位球迷小心「失身」，大半季喺球賽投資嘅努力，千萬唔好喺呢刻亂咗陣腳、唔好貪心、唔好冒險，只求小注穩勝，歇冬後再重新部署！
提起意甲，冇咗祖雲達斯都同樣精采。國米、羅馬、巴勒莫，喺前面爭餐死，仲有森多利亞、烏甸、拉素要爭歐洲賽資格。當然，最有睇頭係睇AC可唔可以後上，畀啲壓力前列球隊！睇近況，以上幾隊真係幾好，而巴勒莫亦一洗頹風，周中贏波，有反底迹象。今日，仲要對住近況好差嘅錫耶納，我當然支持巴勒莫啦。至於AC，唔使諗，同烏甸鬥攻，入球必開大！
英超齊齊做「細」界
至於英超咁密嘅賽期，有力都慢慢用，車路士深明此法，周中「讓球主客和」又開「和局」，已經連續第三場啦！今晚對住韋根，一樣咁踢波，贏一粒！大家信唔信？
而阿仙奴、利物浦，真係好慘，聯賽盃要改期，今晚都係要佢哋入球「細」算啦！布力般同屆福特目標都係1分，死守戰略，對手都未必贏得多，1:0、2:0係正路之選。
周鵬
商業1台《球迷集中贏》主持
電郵：[email protected]