近年香港地嘅女模輪住嚟紅，先紅一輪土產港模，之後輪到混血嗰批，近期就係內地出品最當旺。憑高䠷身材夠搏命兼呢排搭上「金馬成」嘅紅模「袋冧」，每日開工都要有兩寶，唔係嗰日就會唔老嚟。
報紙當早餐
究竟第一樣係乜呢？原來袋冧無論升cup前後，都必定帶住對隱形缽仔糕喺身，本來模特兒通常都會帶呢味嘢，但係袋冧就零舍有佢一套，佢會帶定一對細自己個胸一cup嘅缽仔糕，戴上身迫迫哋，等到兩團肉可以咇出嚟，睇落去零舍有睇頭。另外，做得女模喺食方面就梗係奄尖啦，不過聽講袋冧每次開工都唔使食早餐，唔係因為怕肥唔食喎，原來佢每日開工前，都會睇勻每份報紙、近期雜誌，見到有自己報道嗰啲，就即刻生猛笑晒，冇嘢落肚？冇所謂啦。
Textby關仁