台灣藝人蕭淑慎（圖）、庹宗康等六人涉嫌吸毒，而且尿液同毛髮樣本經檢驗下都呈現有毒品反應，之後庹宗康同屈中恆已經坦承吸大麻。六人將喺明年一月底前喺台北看守所進行勒戒，由於台灣已修訂相關法例，由原本10日嘅勒戒期延長到40日至兩個月，所以呢六個藝人應該都會喺看守所過農曆新年。