韋斯咸換上古比士利執教，果然立竿見影，打低近況神勇嘅曼聯，令一眾專家咋舌！
好多人認為，若果球隊表現下滑，好應該更換教頭，就會為球隊帶來好成績。其實，呢個係一廂情願嘅想法；用數學嘅或然率計計，換咗教頭，球隊成績會出現兩個可能性，有可能進步亦可能更差，機會率屬於五十五十！
需要時間適應
不容忽視嘅係，新教頭來到新工作環境，點都需要適應階段，起碼要了解正選11人嘅個性、特質、踢法等！情形就好似各位新工跳槽咁，公司文化同事作風，都未必一下子能夠適應，想表現突出？同樣要視乎天時地利人和！
更換教頭主因，通常係球隊管理層及球迷對前度不滿所致，本欄亦曾經提及，英國有大學對教練任期及球隊表現進行過統計，研究指出兩者呈現正比，即係話教練任期愈長，球隊表現會愈穩定！
忽發奇想，撇開環境及人為因素，若果曼聯領隊費爵爺來港執教，港足情況又會係咩格局呢？
馮嘉奇
碩士球員讀萬卷書，親身歷盡各國足球風情。