前幾日返到屋企，發現部Wii放出藍光，開機一睇，原來收到由任天堂寄出信件，大意係話天氣頻道已經完成，正式開始，而要使用就要先進行更新，筆者當然急不及待，立即按下更新按鈕，過程好暢順，唔使1分鐘就完成整個過程。
重開機後，見到原本空白天氣頻道已經變成藍色底色，進入後系統會問你住響邊，筆者嘅Wii係日版機，所以只能選擇日本城巿，而畫面由地圖構成，可以直接用手掣拉到你想睇嘅地點，內容可以睇一周天氣，有溫度、濕度等資料，地圖上更會用圖示顯示天氣情況。睇完日本，最關心梗係睇吓有無香港，只要按下地球儀，就會見到整個地球，呢個比例下，亞洲只係見到東京同香港，而台北、上海等城巿，都要Zoom入去亞洲區先睇到，資料都係差唔多，溫度資料同香港天文台比較，數字相近，證明製作絕對認真！
可惜每次進入都要由日本拉到香港，都幾唔方便，希望將來更新可選擇其他城巿啦。
記者：許福合
