臨到聖誕，大家心情都輕鬆啲，金融財經界都唔例外，金管局總裁任志剛噚日就喺《觀點》度同大家玩吓問答遊戲。
佢將金管局有份參與或支持嘅7間國際組織：亞太經濟合作組織、國際結算銀行、全球金融體系委員會、東亞及太平洋地區中央銀行會議、金融穩定論壇、國際貨幣基金組織、世界銀行集團列出，又列出各組織嘅簡介，然後畀大家好似小學生做作業咁配對。佢畀埋貼士，話喺11月出版嘅《香港貨幣銀行用語滙編》（第三版）可以搵到答案。
其實，呢招都係想大家知多啲金管區、睇多啲《滙編》啫。有興趣嘅可以到金管局網站（www.info.gov.hk/hkma/）嘅觀點玩吓，答啱兼最早遞交嘅頭三名，可以喺任總手上收到小禮物。