安全貨倉（237）06年3月底結算，股東資金11.36億元，每股資產淨值8.42元。
半年後，06年9月底結算，股東資金上升到12.32億元，每股資產淨值9.13元，升值0.71元。
今年8月9日，推介安全倉，當時股價3.46元，到今時今日，毫無寸進，但折讓則擴大到超過60%！
推介安全倉最大、亦係唯一嘅理由，就係股價嚴重偏低。
安全倉係一家小型公司，亦係家族公司，公司資產既然咁值錢，只要家族有成員靜極思動，股價就會飛升，即使翻一番，非冇可能。
安全倉業務簡單，分為貨倉經營、投資物業租賃和證券投資買賣。06年度，獲利1.67億元，升40.79%，每股盈利1.24元，全年派息14仙，另特別股息2仙。盈利增加，主要係投資物業公平值增加1.33億元。
觀塘物業有可塑性
07年度的上半年，獲利1.02億元，升27.12%，每股獲利0.76元，派中期息7仙，期內重估物業盈餘9540萬元。
集團在柴灣和葵涌有貨倉物業，但業績倒退，期內營業額1576萬元，減1.45%，獲利686萬元，減9.57%，理由係利率上調、油價高企和物流業北移，令倉位需求下降，未來展望仍難樂觀。
另外，在觀塘擁有工貿寫字樓振萬廣場，出租情況理想，期內營業額3097萬元，升12.24%，獲利1.18億元，升50.66%。自從apm同業成為觀塘潮點，舊區又計劃重建，觀塘面貌一新後，物業價值會進一步提升。振萬廣場有「可塑性」，唔排除會有財團睇中。
中期結算時，持有投資及短線買賣的股票總值約1.14億元，股市大旺，料可提供可觀盈利貢獻。
安全倉係大冷門股，憧憬其會「賣枱」或私有化，可小注持有，博賺5成至一個開。未有動靜之前，收住息先，有4厘幾，都算吸引。
郭兆誠