陳輝虹與音樂才女黃丹儀拍拖不到半年便閃電結婚，趕着在雙春兼閏月的狗年過去前成婚，昨日記者致電堪輿學家區仲德，發現從命理學上而言，二人的面相與八字均相當匹配。區仲德說：「佢哋喺今年結婚都好適合，陳輝虹係一個家庭觀念重同着重家庭嘅人，佢做事積極勤奮、腳踏實地，狗年係好理想嘅結婚年份。」
區仲德又指二人雖然夾得來，但婚後兩年極可能出現第三者，若女方把持不住，婚姻定會掀起波瀾，他說：「屬雞嘅黃丹儀好重情，桃花旺盛嘅佢好容易投入感情，都好多人追，佢喺農曆11月結婚，係行緊桃花運，但到08年桃花星更旺，有第三者出現，要特別注意，如果把持不住，就會惹起爭端。」