劉德華（左）同吳彥祖喺新片《門徒》中扮演販毒兩師徒，華仔話想利用角色揭露毒品害人真相，佢話：「《門徒》對我嚟講係一套好獨特嘅戲，佢好似一本書，透過呢本書就可以重新對毒品定位。」電影公司會將部份有關毒品術語展示喺戲院之內，不過題材太敏感，部份情節唔可以喺戲院放映或陳列，電影公司設立官方網站畀觀眾瀏覽。