側田與谷德昭前晚出席動畫電影首映,與大企鵝公仔合照時,二人同時被大企鵝的雙翼打中下體,登時表情尷尬,側田對着記者儍笑,肥谷則說:「乜你咁準呀!」
側田、谷德昭及鄧麗欣(Stephy)前晚出席他們配音的動畫電影《踢躂小企鵝》(HappyFeet)首映,余安安、郭錦恩夫婦、葉翠翠及一班港男都有出席,三位主角與大企鵝公仔合照時,企鵝雙翼不停左搖右擺,站在其左右的肥谷及側田忽然瞪大眼,原來二人的下體被企鵝打中,側田呆立當場只懂儍笑,肥谷則忍不住笑說:「乜你咁準㗎!」場面尷尬。
玩滑板下體受創
事後側田說:「都估唔到會打中,好搞笑,不過唔緊要啦。」其後又說:「我要搵律師告佢!」側田表示戲中正好為該企鵝配音,今次像是被自己打到,感覺核突。他又謂小時候試過下體受創,側田說:「我12、13歲時喺美國學玩滑板,一次塊板突然彈起,撞正嗰度呀,好痛。不過玩滑板係全身都有機會整親,唔只重要部位。」問入行以來有否弄傷過下身,側田說:「冇喎,我做嘢都唔會有危險,頭先情況都係估唔到㗎。」
Stephy接受訪問表示沒看到側田及肥谷意外被襲,她說:「哎呀,miss咗㖭,不過佢哋應該冇乜嘢,唔會好大力啫。」
採訪:胡比
攝影:林德雄