溫拿五虎前晚在將軍澳錄影音樂特輯《溫拿狂想33》，請來陳秋霞、汪明荃和鍾景輝任嘉賓。早前譚詠麟（阿倫）扮女人，與扮內地人的陳友、扮阿婆的彭健新以及坐輪椅扮病人的葉志強一起到鴨寮街買溫拿黑膠碟，前晚播出該片段，眾人被檔主喝罵不要搞搞震，阻住他做生意，得知原來是「原裝溫拿」後，老闆依然晦氣。阿倫等人即施展冧功，才𠱁得對方笑逐顏開，阿倫說：「扮女人係我自己揀嘅，個小販俾我哋玩到真係反面，講晒粗口，我哋剪咗咋。」
舊情人被玩
前晚鍾鎮濤（阿B）和陳秋霞的一段舊情不時被取笑，陳百祥（阿叻）介紹秋霞出場時說：「佢都從一而終，嫁都嫁畀個姓鍾嘅。」阿B笑說：「我都報應夠啦，仲講。」阿叻大叫：「鍾太嚟喇。」完全不理會阿B女友范姜也在場。當秋霞和阿B合唱後禮貌擁抱，阿倫即說：「我哋都要。」秋霞抱完阿B即失方向，問怎樣下台，阿倫大叫：「阿B快啲去扶佢啦，做番當年做嘅嘢囉。」
事後阿倫說：「娛圈唔係我笑你，就係你笑我，有乜好尷尬。」阿B則說：「講笑啫，𠵱家仔女大晒，友情多於一切。」秋霞則說：「佢哋成日都咁玩啦。」
此外，商台昨日播出陳秋霞錄音訪問，談起阿B時說：「喺佢最艱難時，有次帶埋范姜出嚟，我走埋去輕鬆啲咁問佢死得未，仲問范姜係姜小姐定范小姐，但我讀到好似章字，阿B就話唔好提個章字。」
採訪：王崇穎
攝影：陳順禎
