泥頭車司機懷疑行車時打瞌睡，越線與對頭車迎頭相撞而命喪黃泉。有泥頭車工會指出，雖然經濟漸見改善，但「搵食仍然艱難，為咗搵多個錢，有司機寧願瞓少啲都走多轉。」
泥頭車司機協會組織幹事陳三才表示，肇事司機受聘於一間園藝公司，當時正駕駛「泥夾車」，由於「較生面口」，相信是新入職司機。他又說，這些專門駕有吊臂夾走泥頭或廢物的泥車司機，工時較一般泥頭車司機長，「堆填區傍晚6點幾鐘就閂，司機想做都冇得做，但揸泥夾車就唔同，好多回收場都開到好夜，因為咁唔夠休息唔出奇。」
為防止司機行車時打瞌睡搞出人命，香港、歐盟、英國、新西蘭及日本均研發系統，透過監察司機的眨眼頻率、心跳及握軚盤力度，檢查司機的精神狀態，如發現司機有睡意就會自動發出警號、香味，甚至震動座位提醒司機。