Shine今日推出佢哋嘅新碟，為咗有一種突破嘅感覺，唱片封套入面有赤裸上身嘅相。佢哋噚日去港台做訪問，主持人話天佑瘦咗好多，係咪俾人飛或者飛起人，點知天佑無奈話：「俾人飛一飛咪瘦十幾磅囉！」事後記者問佢係咪分手，天佑扯開話題話：「因為拍戲連食嘢時間都冇，感情嘅嘢唔講。」記者再三追問會唔會送新碟畀Miki，天佑口快快講錯嘢話：「送，送車！」