國際Gossip:威廉女友唔去皇室飯局

國際Gossip:威廉女友唔去皇室飯局

英女皇親自邀請嘅聖誕節飯局居然有人夠膽唔去,呢個人仲要係威廉王子嘅女友凱蒂(KateMiddleton)。
英國傳媒引述消息人士話,凱蒂話要等佢嫁咗畀威廉成為皇室一分子之後,先至參加佢哋嘅聖誕聚餐。雖然凱蒂唔畀面,但係未來老爺查理斯要喺黑爾福德郡建築一幢500萬英鎊嘅大宅,送畀阿仔當結婚禮物。
500萬英鎊大約係7,500萬港元,唔夠香港地產商李兆基傳聞送上兩間總值1億港元嘅豪宅畀親家咁豪噃。
法新社/英國《星期日鏡報》