側田前晚喺將軍澳電視廣播城擔任《UMC音樂節複賽錄影》嘅表演嘉賓，咁啱鄰廠做緊《2006勁歌金曲優秀選（第三回）》，側田冇歌入選，問佢點解唔趁年尾發力？佢話：「我鍾意年頭發功，唔可以因為咁樣而年尾發功。」問佢有冇同公司研究改變策略？側田話：「係我自己決定，我會睇心情，如果啲歌好聽，唔一定要年尾，年頭都可以。」