嘩！新Game：《LOSTPLANET》<br>捉個機械人　第一身打雪獸

三大新主機已經齊齊現身，當中以XB360同PS3走嘅路線最接近，都以靚面吸引機迷，XB360代表作之一，可以數今周開賣嘅《LOSTPLANET》，質素之高，就連《FF》之父坂口博信都讚不絕口，遊戲以極地為背景，機迷要操作主角威因同異形怪獸決鬥，好彩遊戲內有唔少先進武器可供使用，以下就立即開片，睇吓未來戰場究竟係點！
記者：許福合

●故事其實係講響遙遠星球EDN-3rd上，我哋為尋找另一個居住星球，遇上從未見過嘅異形生物EICRID，相互不妥協，就在星球上展開激烈交戰！

●威因，唔好講咁多，遊戲玩法係使用步槍或散彈炮對付敵人，但最特別係我哋可以揸好多不同嘅機械人，咁樣玩法比普通第一身射擊更加過癮刺激。

●第一關任務要響冰天雪地下進行，我要去Chryatis嘅洞內，搵出敵人，一到咗巨大Chryatis巢穴，就有大量敵人，要好似我咁攞支大炮出嚟呀。

●要駕駛機械人，第一件事係搶走遊戲中嘅VS，要對付體形較大異形生物，就要出動到呢種人類高科技結晶嘅機械人。機械人要數最出名，定係GAN-34，以駕駛容易著名。

●特別響白雪平原，雷達功能好重要。雖然XB360已用上高清畫面，但有時緊張起嚟，乜都睇唔到。

●呢部就係GAN-34，好勁㗎，但總部還會不時研發新型機械人上戰場，為令戰士容易適應，操作差別不大，戰士只要練習幾次就可上陣殺敵，

●要注意喎，我哋介紹嘅GAN-34計設同GTF-11相同，玩家只需稍為練習，就可進行操作，而且行動較靈活，又裝有自動學習功能，初玩者必試。

●不過咁，佢重型裝備較多，所以行動無GAN-34咁好，玩家要多多練習。

●你死喇，我用Gatlinggun，仲唔死？你哋睇，雖然無話係高清畫面，但兩個VS大戰時，場面一樣好正，好似火花同白煙咁，以前嘅第一身射擊Game係唔會有咁激㗎。

●去到地底作戰，要搵呢種坦克式VS，除咗速度快，佢嘅LaserVulcan同Cannon好勁抽，可以近距離擊倒目標，減少埋身肉搏。

●第一身射擊遊戲好多，但可以搶機械人去打嘅就好少，呢種玩法變化多，而且武器多變，單係強大嘅火力，聲音同畫面都好震撼。

●哈哈，人仔，你唔夠我打嘅，揸住部VS去打敵方基地，好似大地在我腳下咁。