蘇甲登地前鋒麥拿倫喺上周六作客輸畀克萊德1:2嘅聯賽中，行徑太出位，一場波被罰3面紅牌！麥拿倫先因侵犯克萊德球員馬龍被球證麥當奴罰紅牌，點知佢步出球場時再侵犯克萊德嘅麥高雲，麥當奴惟有再罰佢一面紅牌。但麥拿倫仲唔識死，走去球證更衣室搗亂，踢穿更衣室道門，於是被罰第3紅！