「用乜嘢棺材都冇乜所謂咯，橫掂都係燒㗎啦…」獨居牛頭角下邨的潘婆婆，沒有結婚沒有兒女，如今已屆風燭殘年，每每為自己身後無人殮葬而鬱鬱寡歡，但對於百年歸老後用甚麼棺材，潘婆婆反而很開通，覺得用甚麼質地的棺材不要緊，「最緊要環保，為下一代吖嘛。」
鬢髮斑白的潘婆婆，今年已屆72歲。談及自己的身後事，潘婆婆毫無忌諱地說：「我喺10年前就諗過，就算自己好慳，慳到啲錢都冇人理，難聽啲講句，就算自己喺地下掘個窿，臨死捐入去，都要搵個人埋咗佢㗎，我咪覺得好擔心咯。咁多年嚟，呢個心結一直未解開，所以好憂愁，好唔開心，有時甚至好暴躁，呢啲嘢又難同人哋開口講嘅，唔單止我，我啲老友都係咁。」
放下心頭大石
潘婆婆稱，今年初她參加了聖雅各福群會的「後顧無憂」計劃，將身後事交託予該會義工後，簡直放下心頭大石，「個人開心咗好多」。她又說：「好似另一個又係獨居嘅錢婆婆，佢今年80歲，以前都好擔心就算留低棺材本都冇人幫佢買，𠵱家有義工幫手，佢諗住有10蚊就用8蚊，成日嗌人打麻雀，成個人都開心晒。」
長者「後顧無憂」計劃（聖雅各福群會）
查詢電話：28313230或28313232
網址：www.sjs.org.hk