林海峰前晚在台上妙語如珠，最極限只是擺出嘔吐及做愛姿勢，演出不算太粗俗。完場後他接受訪問時同樣抵死，林狗大爆商台會議室圓枱的玻璃下，「責」了一條S形男性陰毛，他說：「我留意條毛好耐，唔明點解有條毛喺度，男人係S形，唔同女人。陰毛好正常，唔覺咩？喺生活上，牆角、鞋帶、浴室都有條陰毛，沖極都沖唔走，揮之不去，自己好似一條陰毛，不屈不撓，會唔會因為一條陰毛變咗三級騷㗎？」
林狗沒有將妻女作為棟篤騷話題，但為了請記者不要爆騷中內容，竟願意在台後講妻女作交換。
騷前兩度撞車
林狗說：「我兩個女變化唔大，我喺屋企位置冇變過，有冇睇《人鬼情未了》？男主角死咗留喺陽間不停講嘢，但冇人聽到，我喺屋企咪咁囉，成個靈魂咁，叫啲女唔好搞嘢都係照搞，冇人理我。」
林狗又自爆因為常想節目內容而曾兩度撞車，日前綵排又扭傷腰。