三色台小生「拖鞋王」為人花弗，冧女招式層出不窮，最叻就係用手機短訊追女，不過關仁八到除咗呢招之外，佢之前啱啱入三色台時，竟然親手寫情信追過三色台幾個姐仔，希望漁翁撒網，求其追個先。 聽講佢嘅情信內容好感人，情情塔塔不在話下，佢仲用啲好肉麻骨痹嘅字眼，當時收到佢情信嗰啲姐仔都冧到爆，但礙於拖鞋王好驚當時嘅有錢女友，所以嗰幾段情信情緣都變成霧水情。