常說孖生姊妹心靈相通，究竟衞蘭和衞詩是否真的了解另一姊妹的個性？她們潛藏深處的性格又是怎樣？就用心理測驗考考她們吧！
問題1
藍天碧海的希臘風景漂亮，不管你曾否到過希臘旅遊，但最讓你迷戀的，會是以下哪種景物？
A.白色小屋
B.蔚藍天空
C.千年古城
D.深藍海水
（Janice選擇答案A，猜Jill選擇答案D）
Janice：因為我鍾意睇有關裝修嘅書，而且希臘嘅白色屋畀人好舒服同亁淨嘅感覺。至於妹妹一定係揀D，因為佢鍾意曬黑，又好鍾意藍色嘢。
（Jill選擇答案D，猜Janice選擇答案B）
Jill：揀D係因為我最鍾意喺夜晚聽海浪聲，有時望住個海都好開心，反而家姐唔鍾意曬太陽，但鍾意望住一個好靚嘅天空，感覺好舒服。
答案分析：你會不會有異性沒人性呢？
A.你把愛情擺中間，朋友通通放一邊，但激情過後，你的罪惡感便發作，加倍對朋友作補償。
B.你的愛情和友情放在同一天秤上，平均分配時間給愛人和友人，結果想兩面俱圓而令生活陷入混亂。
C.你是愛情至上的人，當有了戀愛對象時，說到有異性沒人性的代表，就非你莫屬。
D.你是有條理的人，會視乎事情的輕重緩急，但有時太以事論事，反令別人視你為「無情人」。
測試後自辯
Janice：絕對係，我拍拖時好投入，但我唔會唔理朋友，如果朋友有心事，我一定會理朋友而唔理男友。
Jill：都唔係，對我嚟講最重要係親人，都冇話分男友先定朋友先，男朋友拍拖耐咗都會變親人啦。
問題2
如果有人和你同時愛上一個人，你非常愛這個人，你會：
A.不擇手段，要得到這個人的愛
B.讓這個人去選擇，自己不積極爭取
C.自己主動放棄
D.不在乎結果，只是積極爭取，表露自己的真心
（Janice選擇答案B，猜Jill選擇答案B）
Janice：我同妹妹都會揀B，我都好希望妹妹會尊重我鍾意呢個男仔，尊重對方選擇，不過呢個問題一定唔會發生，因為咁做真係好傷對方。
（Jill選擇答案C，猜Janice選擇答案C）
Jill：如果我同家姐鍾意同一個男仔，我一定會放棄，相信家姐都係一樣，因為我哋之前應承對方唔會鍾意同一個男仔，大家已經有共識。
答案分析：同時愛上一人會怎樣？
A.你是不擇手段獲得愛情的人，你的愛情觀有很深自卑感和自我中心觀。因為自卑，所以外在表現絕不能被拒絕，你依照個人意志行事，很少尊重別人意見。
B.你是個君子，而且真正愛對方，尊重對方意見。這種愛情心理很健康，會尊重愛人的選擇，就算落選也無怨無悔，還會祝福對方。
C.你一遇到情敵，還沒開戰就主動放棄的人。愛情觀屬於被動式，對自己的愛沒信心，總往壞方面想，所以難找合適情人，就算有人愛你，也覺得沒有安全感。
D.會對自己的感情負責，總是真心付出，對得起自己和別人。這種人或許曾經受傷，不然就是多愁善感，對愛情有保留，不會整個人栽進去。
測試後自辯
Janice：係，我會覺得唔係自己決定，冇話迫對方，由男方自己去揀，況且我個人不嬲都唔主動，反而一定要男仔追就真。
Jill：唔係，因為我假設對手係家姐，我哋冇需要為一個男仔而嘈交，大家一定唔會咁做，如果對手係其他人，我唔會放棄。