「部E-class、Smart同埋部Pardo簡直離晒大譜，抄都唔好抄得咁足吖！」網上流傳圖文並茂的「偉大強國10大老翻汽車」中，內地生產的汽車與外國名牌汽車驚人地相似，引起網友「野孩子」的強烈反感。
網友秋兒說：「抄到個殼有鬼用咩，連啲餡都抄埋咁就差唔多。」網民好戲之人則緊接着回應：「你識咩吖？你唔熟悉中國國情，中國最重視就係包裝，好似啲假豉油、打蠟生果咁，最緊要係個樣。」
大魔王就說出自己的親身經歷，「早排我返大陸睇貨辦，有件貨我睇緊之際，個老闆行過嚟，眼神堅定地操大陸音廣東話介紹話：𠵱勁（件）貨係咪（美）國攞咗設計獎，我地攞咗佢返嚟，自己做個模，一模一樣㗎，所以質量絕對冇問題！」VoidWalker：「冚住咗梗係咩都無人知啦，買返去得個殼。」有網友卻認為，「唔係部部都似，同埋咁多種車有似嘅都唔出奇，唔一定係抄。」