韓國第27屆青龍電影獎前晚喺首爾KBS大廳舉行，36歲嘅金慧秀憑《老千》，相隔11年第三度封后；至於《RadioStar》嘅朴重勛同安聖基就同時奪得影帝。《韓流怪嚇》共得最佳影片及最佳男配角等六個大獎，成為頒獎禮大贏家。要數前晚最意料之外嘅獎項，相信非李準基莫屬，雖然佢飲恨最佳男新人，但就憑斷背片《王的男人》，破格同男主角甘宇成奪最佳情侶獎。