麻煩多多的過氣樂壇天王米高積遜（MichaelJackson），原定後日於日本舉行收費歌迷聚餐，豈料主辦機構昨日突然宣布取消活動，理由是米高的檔期未能配合，活動需要延期到明年3月才舉行。不過有美國小報爆出真正原因，是米高早前因服食鎮靜劑及酒精中毒，另一個說法則是這個活動的門票極為滯銷。
米高的掠水活動，票價分為40萬日圓（約26,000港元）及20萬日圓（約13,000港元），不過他已講到明不會唱歌，只會跟歌迷食飯及合照。
大小通吃
現時大會宣布會將明年的聚會分開兩日舉行，另在首日加多100個貴價坐位，第二日則將票價降至15,000日圓（約1,000港元），希望以平飛吸引2,700人入場，實行大小通吃。
HarryReporter：米高積遜突然取消同日本fans嘅聖誕聚餐，押後至出年3月舉行，我哈利仔建議佢不如再推遲到萬聖節舉行仲好，以佢一副整容下塌嘅尊容，相信吸引唔少鍾意去鬼屋嘅人到場。