剛剛開始寫這個欄，有篇題為《啤酒、粗口、睇波》的稿。竟然有讀者透過筆者在副刊專欄電郵地址，討論睇波講粗口，大表贊同。
老老實實，十多歲之年紀非足球fans，因由有幾：一、體育堂或下課後啲書友仔打得屎。二、細細個家教極嚴，粗口免問。
遲至在加拿大上高中，美式足球狂熱在當地，尤其學校，不分男女老少參觀球賽猶如嘉年華；最過癮齊齊FF聲，兼賽後飲個飽。
或者用英文講粗口脫離整個家教，說來自然豪邁，上球場得到解放，睇波的快感由粗口開始。
粗獷豪邁共融
到英國上課後，自己滿嘴北美爛口，初時備受抨擊，斯斯文文的英國人射來MindYourLanguage目光，哈！落球場或上Pub睇波，英國紳士淑女們脫去假惺惺外殼，啲粗口仲勁過我，即時有CommonLanguage，一手啤酒滿嘴粗口，與失球入球齊飛，為生活平添不少情趣。雖然今天足球貴為世上無數人共通語言，如果沒有作狀扮高貴，繼續粗獷豪邁共融。
鄧達智
以出色品味穿梭時裝界，對足球熱愛始終如一。