韓國組合神話嘅JunJin身體一向唔多好，年中到泰國開騷時，就曾經因壓力大而趕搭夜機返家鄉治理。前日佢又患急性肺炎，暫時停止宣傳活動。事實上，JunJin兩星期前已經有感冒迹象，大前日出席「第21屆金唱片頒獎禮」時，更暈倒化妝間，但當時JunJin因為工作理由，只接受注射就出院，結果就驗出患上肺炎。哈利仔奉勸佢好好調理身子，唔好令fans擔心。