最近因為偷食斷正而搞到周身蟻嘅「不忠」，早排走出嚟死撐話件事對自己冇乜影響，其實佢知道今次自己呢鋪杰撻撻，公司唔重用、老婆唔原諒、條女又嗌分手，真係慘情。 不忠私底下同老友呻，話自己咁辛苦先至有今時今日，但就因為呢單嘢而搞到聲譽盡喪，覺得好唔抵喎，講到動情之處，不忠仲流埋馬尿。唉，搞成咁咪又係佢自己攞嚟衰，關仁老土啲都要講句，早知後果，何必當初呢！