一艘載住600名日本同南韓人嘅大船噚日泊咗喺海運碼頭，船名叫「和平綠色船」，同環保組織「綠色和平」好接近，但性質唔同；和平綠色船除咗宣揚環保外，更着重推廣世界和平同東北亞無核化，船上載住兩名1945年日本廣島原爆受害者，當中一人係當年被迫當日軍嘅南韓人。
和平綠色船會喺香港逗留15日，唔好以為艘船同環保船一樣又細又舊，睇過先知其實係一艘大郵輪。呢艘船今次嚟都有同香港保釣團體交流，點知10月尾率領保釣人士坐隻又殘又舊嘅「保釣2號」去釣魚台嘅保釣行動總指揮羅就想打隻船壞主意，佢話如果坐和平綠色船去保釣，就唔使驚啲日本海軍船隻啦。
八方噚日去到本來想搵啲後生仔乘客傾吓偈，點知唔見人，原來去晒shopping。