初入情場的阿迷對一名女同學素有好感，可惜襄王有心，神女無夢，關係始終未有突破發展，近日阿迷的軍師報料，令他更加迷茫，「聽人講佢有紋身，大家話我應唔應該停止追佢？」粵語片年代紋身者好人有限，現在還有這種偏見？
網友普遍是觀念開放潮人一族，多認為阿迷不應介懷，紫心蕃薯指紋身是潮流，「如果你因為一個人紋身，就對佢為人下判斷，咁樣對佢太唔公平。」網民tgk也說女孩子紋身並非甚麼大不了的事情，「如果你接受唔到女朋友身上有個公仔嘅話，咪唔好追囉。」
網友sayurili自言身上有五個紋身，但無礙她有好歸宿，「我紋身只是貪玩和貪靚，我男朋友都不介意，已經決定明年結婚。選擇女朋友係睇對方性格、人品，而不是有冇紋身！」Billy建議阿迷投其所好，「佢有紋身嘅話，咪配合番佢，紋番個公仔喺心口度囉。」