一面喺度刨馬會網站，喺度諗：點解馬會成日都唔肯開亞洲盤呢？其實只要做到兩邊投注平衡，馬會開嘅1.85水係必賺15%格，成日都唔開啲大眾鍾意嘅玩法，又點打擊外圍呢？
可能馬會想多啲人去買過關飛吧。但好似愛華頓對車仔呢場波咁，如果亞洲盤開車仔讓一球低水，一定大把人落注，因為大家認為最多走盤，點都唔使輸，之後慢慢調低個盤去一球/球半，相信亦會有唔少下盤客會支持，咁嘅情況係平衡到。之但係馬會只開「主客和」同埋讓球主客和，咁嘅情況下，整到啲客唔多敢去落「讓球主客和」，焗住全世界推落普通盤度過關。好，今次決定以車路士客W做膽！
博國米「主勝」墨西拿
意甲榜首嘅國米每次主場對住墨西拿，國米都鍾意大炒，睇番今時今日，要炒多次唔難，一於試「讓球主客和」嘅「主勝」。同樣情況去到荷蘭，阿爾克馬爾今季入球率超高，呢場對住作客唔多識踢嘅格羅寧根，贏兩球以上唔係太大問題。講到鋒力強，邊隊強得過雲達不來梅？主場對禾夫斯堡又係冇難度，雖然禾堡的後防改善了不少，但對住擅攻嘅球隊都係有啲亂。
謝利
立博亞洲區首席博彩顧問
電郵：[email protected]