林子萱（KiKi）最喜愛的節日就是聖誕節，她今年的聖誕願望是與暗戀的圈內人度過浪漫的白色聖誕，她坦言暗戀對方年多，並直言對方是她的「TheOne」，由於要保持女孩的矜持，故沒採取主動，加上對方也有要好女友，KiKi只好做個等愛的女人。
再過一個星期便到聖誕節，林子萱要在工作中度過，由於她很喜歡聖誕，所以就算多忙碌，仍會抽空購買聖誕禮物。每年KiKi都花逾萬元搜購禮物，因為她會因應不同朋友的喜好而選購禮物，並會從平日的交往中留意朋友的喜好，她笑言自己這麼細心，是希望朋友也會禮尚往來，送她喜歡的禮物。
至於今年的聖誕願望，KiKi謂希望與心儀對象過一個浪漫的白色聖誕，可是她不肯透露暗戀對象是誰，只表示對方是圈內人，但強調不是和她傳緋聞的谷德昭。KiKi笑說：「我已經暗戀佢成年，但係佢都未等我行動，就已經同第二個一齊，不過我會等佢追我，因為我喺佢面前好cool，相信佢會留意我，因為我覺得佢係我嘅『TheOne』，我仲可以為愛情而放棄事業㖭。」
原來KiKi曾在澳洲度過一個非常炎熱的聖誕節，氣溫更高達攝氏40多度，令她印象難忘，KiKi說：「嗰時冇錢返香港，惟有留喺嗰邊過聖誕，仲要熱到就嚟中暑。」
最怕孤單寂寞
KiKi謂最愛在港過節，她說：「我又試過喺台灣一個人過聖誕，感覺好孤單，我始終最鍾意係香港嘅聖誕節，因為真係好有氣氛，周街都係燈飾，就算自己一個出去都唔使驚條街冇人啦！」
採訪：駱華齡 攝影：陳俊強
髮型：BluedyWong@HairCulture
化妝：KerryWong 服裝提供：Quiksilver
場地提供：Club27
