挨近年尾，歐洲主要聯賽多開快車以迎接歇冬期，在頻密的賽期下，相信禮拜三深夜嘅強隊小勝場面會增多，博大波膽者要注意。
一直強調喺馬會買英超強隊要博早飛，開賽前數小時先投注會好蝕底，因為這類強隊喺香港嘅擁躉實在太多，熱情飛亦特多，阿仙奴禮拜三對韋根，足智彩臨場買到1.65倍W熱爆全球，但其實場波客觀因素冇變過，只不過香港人鍾意捧強隊。臨場睇陣容，除咗原有傷兵多，仲先收起包括法比加斯等3位主力，你話呢個W抵唔抵買；除非你捱眼瞓買「走地」，或者攻半場波膽還較明智；同樣車仔亦先收起正選雙箭頭，純計賠率，喺馬會賭波實在太搵笨，呢兩個1:0波膽兼熱爆W開得險，反而莊家可能已將部份投注射到其他外國大公司，等結果而將差額（水位）袋袋平安咯。
荷甲繼續「大」力撐
眾所周知，英超冇歇冬呢回事，連車仔同阿仙奴呢類人強馬壯嘅班霸都要常喺周中留力，你話其他球隊喺未來兩、三個禮拜會點部署，仲有波友要留神意、西兩地聯賽下周中加開快車，總之呢3地聯賽今個禮拜博大波膽或者「讓球主客和」都要執生。
還好，荷蘭波喺12月都會加開快車，上個禮拜推介燕豪芬同飛燕諾都贏到兩球或以上得手，想博「大」膽都要長靠呢個強弱懸殊嘅聯賽，今個禮拜睇吓係咪到阿積士同阿爾克馬爾大炒對手啦。文：蘋果波神