為了迎接聖誕節，ILoveYouBoyz（艾粒）與Krusty到西餅學校學習焗製聖誕薑餅，希望於聖誕節時親手造薑餅送給fans。上堂時以Donald及張詠恩（阿Jan）最為認真，少爺占就不時搗蛋騷擾活己嵐，還替人形薑餅畫上性器官，認真不文。
男子組合ILoveYouBoyz與女子組合Krusty日前抽空到西餅學校上堂，因為他們想親手焗製聖誕節食品薑餅送給支持他們的fans。
當日阿Jan、阿嵐及Donald十分認真跟着導師指示，少爺占則經常騷擾其他人。當導師要求四人於薑餅上畫上圖案時，少爺占繼續發揮其搞笑本色，於薑餅人身上加上性器官，令人哭笑不得。
收安全套尷尬
Donald表示渴望收到女朋友親手做的聖誕禮物，因他覺得DIY禮物令人感動，他說：「我試過將同女朋友嘅生活照剪剪貼貼，跟住就整咗一張好大嘅相出嚟，當時女朋友收到感動到眼濕濕。」至於最討厭的聖誕禮物，少爺占說：「16歲時血氣方剛，收到同學送畀我嘅安全套，我收到時又尷尬又嬲，嬲係因為自己當時咁細唔用得！」
火雞唔熟照食
至於Krusty的阿Jan每年聖誕都會選擇與大班朋友度過，並由她負責炮製聖誕大餐，她說：「我啲朋友好懶整嘢食，所以每年都係我負責，但我每次焗火雞都係焗唔熟，朋友又唔介意繼續食。」
愛情至上的阿嵐卻希望與男朋友單獨過聖誕，她慨歎今年沒有男友，要過孤獨聖誕，她說：「我好希望出年搵番個男朋友，因為我覺得呢啲大節日一定要同情人過先得。」
採訪：李珮洳
攝影：陳偉權
場地提供：Friandise
化妝：Raymond@maevonmakeup
髮型：Jatco@ILColpo
