今季英超開季前，我睇好維拉可以成為異軍。而喺奧尼爾掌帥，維拉嘅成績一直都好平穩，以佢哋𠵱家嘅人腳，踢出咁嘅成績，已算有晒交代。今晚維拉要主場迎接幾惡啃嘅保頓。上星期，保頓已經搞到柏度被請食無情雞。
維拉係英超球隊中今季和波最多嘅，踢咗唔夠廿場，已經和咗10次；而佢哋同保頓過去3季喺聯賽碰頭，亦總共和咗5次，只贏過1次，6次對賽先得1次分出勝負。以兩隊嘅實力，彼此都無可以砌低對手嘅把握，再加上維拉今季有鋪和波癮，讓球盤開平手/半球。與其買讓球，不如博買和波仲抵玩。
利記𡁻硬爛「查」渣
星期六頭場查爾頓對利物浦，利物浦捱到周前對韋根先至作客開到齋！「利記發火非同小可」，上場主場對富咸，利物浦又大開殺戒入4球，兩場波加埋入8球無失過波，超「弗」！呢場主場嘅查爾頓，𠵱家排尾二，換咗列特都無咩起色，上場仲差啲輸埋客其他㖭！今季查爾頓衰到無倫，買利物浦客W，實無走雞！
阿鵬
有線球彩台主持
電郵：[email protected]