悉尼直擊
李家誠徐子淇今日在澳洲悉尼結婚，主人家及賓客近百人已陸續抵達，昨日子淇父親徐傳順及伴郎李民彬先往行禮場地RoyalBotanicGardens視察布置進程，徐爸爸大讚準女婿李家誠值滿分，對收李家逾億豪宅聘禮，他則說：「冇回應。」
恒基兆業二公子李家誠（Martin）及徐子淇今日在澳洲悉尼RoyalBotanicGardens舉行婚禮，昨日澳洲時間下午5時（香港時間下午2時），徐子淇父親徐傳順及伴郎李民彬現身場地巡視布置進程，記者問徐爸爸女兒出嫁，對她有甚麼訓示？徐爸爸說：「叫佢記住要聽長輩話，希望佢可以做到一個好太太、好媽媽同好新抱。」親家李兆基早前坦承恨抱孫，徐爸爸昨日也說：「我都想呀。」
「多咗半邊仔」
徐爸爸本身任職大亞灣核電運營管理有限公司首席核數師，外間經常將女家和男家的身家作比較，指這頭婚事是「竹門對木門」，問他看到這些報道會否感尷尬，他說：「唔會，最緊要係佢哋兩個相愛。」至於這豪華婚禮花費多少，他則說：「我唔知，都係男家安排，自己做番本份。」
徐爸爸又大讚準女婿李家誠說：「Martin值滿分，心地好又善良，對子淇好好，我都好開心多咗半邊仔，子淇真係好幸福，一出道已經好多人錫。」至於有傳子淇已懷孕四個月，徐爸爸說：「李博士（即李兆基）日前都回應咗啦。」
拒談逾億聘禮
有指新翁李兆基對婚禮預算沒有上限，他更曾直言「現金、物業、珠寶樣樣有啲」，當中包括送予徐家位於中半山寶雲道的富匯豪庭的相連豪宅單位，總值已逾億港元。對於獲贈超厚聘禮，徐爸爸即迴避說：「冇回應。」
採訪：梁錦雯 攝影：葉君海
