食得飯多，都想換吓意粉！日日都係車路士、曼聯、阿仙奴，悶都悶死。今個星期，我轉戰一啲中上游球隊，因為我睇中雷丁。
周中，車仔、兵工廠分途出擊，幸運加些少實力，各小勝對手1球。兩場波有個共通點，大家都好似只係想攞1分（車仔例外），紐卡素全場只有1次射中龍門，阿仙奴有3次，反而韋根好啲，有7次！球員體能有限，唔輸波，有1分落袋，大家都收貨！
吼強隊齊齊吼「細」
所以，呢個星期，入球我估會繼續要「細」！車仔、阿仙奴、曼聯、同埋我嘅心水雷丁都要細。當然，雷丁我要埋主Ｗ啦！客嘅布力般，周中仲踢埋足協盃，疲兵作客，九死一生，我當然撐雷丁小勝啦。
AC應該提早放棄意甲聯賽，宣布明年備戰聯賽嘅策略！睇到AC今年搞成咁，冇眼睇。今晚，當然睇高要護級嘅費倫天拿。我會大細注，細注博費倫贏，大注穩陣要入球「細」！另外，羅馬對巴勒莫，兩隊雖然落後國米，但係時間尚早，有得追！我估兩隊必定大打進攻足球，入球開硬「大」！
周鵬
商業1台《球迷集中贏》主持
電郵：[email protected]