AnaR.前晚與廖碧兒及陳豪等在中環出席服裝活動，風騷現身的AnaR.直認與前男友周立璟雖然分手，但仍然有來往，因兩人是工作上的夥伴。
名模AnaR.前晚與無綫多位花旦小生包括郭羨妮、廖碧兒、楊怡及吳卓羲等，在中環IFC出席美國品牌JuicyCouture派對，創辦人之一、DuranDuran低音結他手JohnTaylor太太GelaTaylor都專程來港撐場。
工作上仍有合作
AnaR.以短褲大露背裝亮相，非常風騷，日前她被本報拍得與前男友周立璟往金鐘吃日本菜，當被記者發現後，男方竟立即鬆人。
AnaR.前晚直認與周立璟仍然有來往，她說：「我們分手了，但我們工作上仍有合作，為何不可以吃飯？我們不是約會，我可以與任何人約會、去party。」
至於廖碧兒就與緋聞男友陳豪在場上大方合照，廖碧兒開心透露榮升「奶奶」，她說：「我隻狗終於結咗婚，彭健新隻狗OK仔仲做證婚人！」
唔認陳豪做「老爺」
記者笑她陳豪豈非變「老爺」？她說：「唔係，我係單身媽咪，佢仲有好多人錫，又有公公婆婆。」
早前有雜誌指佘詩曼發姣狂電TVB小生，唱卡拉OK時更坐吳卓羲大髀，對此吳卓羲說：「冇，我都冇見過佢，其實我都唔知係幾時、邊晚俾人影到。我哋冇一齊玩，做呢行嘅時間畀晒工作，呢兩年我都好少去玩，買咗300隻DVD都未睇晒。」他又暗示該報道是宣傳手法，他說：「拍劇就係咁，今次傳呢個，下次傳第二個，其實我從來都未同佢合作過。」
採訪：吳天慧 攝影：陳慧安
