森森和斑斑前晚在理工綜藝館開騷，好友陳寶珠、葉德嫻和黃韻詩前來撐場，令兩姊妹大為感動，兩人在台上談及梅艷芳、羅文、陳百強和黃霑一班已離世的圈中好友生前點滴時，更禁不住在台上兩度落淚。
森森和斑斑兩姊妹前晚在理工綜藝館舉行首場「森森斑斑情牽香港演唱會」，請來石修和胡楓擔任嘉賓，吸引了陳寶珠、葉德嫻、黃韻詩、甘國亮和at17捧場。演唱會期間，森森和斑斑兩度感觸落淚，先是久沒露面的黃韻詩上台獻花時，森森高興得在台上落淚，繼而兩姊妹在台上談及一班已離世的圈中好友如梅艷芳、羅文、陳百強和黃霑，以及演唱眾好友作品時，又再度禁不住灑淚。
陪羅文行街要靚
二人一開始合唱阿梅的《似是故人來》之際，斑斑禁不住喊出來，森森說：「我哋識阿梅係因為我哋媽咪同佢媽咪嘅關係，阿梅叫我哋媽咪做契媽，佢叫我哋做契姊，阿梅曾經送咗尊佛像畀我哋媽咪，佛像𠵱家重擺喺媽咪屋企，一見到尊佛像我哋就會諗起阿梅。」之後兩人又唱了陳百強的《念親恩》，指陳百強原來是兩人fans，大家曾一起出埠旅行。接着她們又獻唱羅文的《幾許風雨》，並說：「呢個朋友好搞笑，每次叫我哋出街就會叫我哋着靚啲陪佢。」
笑側田鍾意食雞
除憶及好友外，森森和斑斑更大談現今歌手，斑斑問森森側田最喜歡食甚麼時，森森回答西餐，但斑斑即更正說：「唔係，佢鍾意食雞！（指拍攝家鄉雞廣告）」繼而斑斑問道：「Eason（陳奕迅）最鍾意食乜？」森森回答說：「包！因為電視成日見到佢大嗌個包！」但斑斑更正說：「唔係，佢大嗌係因為叫徐濠縈快啲畀番個銀包佢。」
演唱會後，森森和斑斑接受訪問，笑言綵排時已感觸落淚，對於好友捧場，斑斑說：「好感激，真正朋友先至俾你哋影到，因為平時佢哋好介意，睇騷會匿埋。」
採訪：胡比
攝影：仇志德
