有米芝蓮三星大廚、新鮮意大利食材、訂做酒櫃及巴黎家具，豪花900萬裝修，以歐陸的紫色浪漫提升格調，喺尖沙嘴新開業的Aspasia即被納入貴格行列，要食得貴氣，就要去體驗一下。
記者︰方綺君
攝影︰譚盈傑
Model︰Algie、Pakho
米芝蓮三星大廚坐鎮
ChefRolandSchuller是世界級米芝蓮三星大廚，曾擔任貴族郵輪TheChristinaO的行政總廚，其魔幻廚房設有麵包部，特別從意大利購入可達450℃高溫的焗爐，讓燒出來的薄餅同樣做到木燒的質素，另有足夠容納20多人的大雪櫃，能儲存大量由意大利入口的新鮮蔬果，認真落重本。
而Roland對煮食有自己一套：「我只用橄欖油不用牛油，最重要是食材新鮮。」Aspasia更讓初到餐廳的客人可一次過品嚐5至10款菜式，份量較少，每日的餐單都不同，除了SignatureDish外，亦會加入時令菜式，價錢由$680至$1,280不等，視乎你試菜的數目。
洋葱湯配香脆薄片
用試管飲洋葱湯，一啖洋葱湯一啖脆薄片，另一種飲湯新方法。
（屬試菜款式）
香煎鵝肝及鵝肝醬配蘋果雪葩$168
香煎鵝肝不夠，還要配上鵝肝醬，感覺有點油膩，不過Roland配上一個清新帶酸的蘋果雪葩，中和了油膩感。
香燒牛仔膝跟雜菜汁$238
香味濃郁，一碟的牛仔膝份量不小，肉質又香又軟，配合用雜菜磨成茸的醬汁，口感Creamy。
香燒羊架配芝士薯茸$268
羊架煎熟配上薄荷汁，肉質咬入口香嫩多汁，肉色仍然紅卜卜但不會有生的感覺。
讚
餐廳內的裝修、餐具、菜式都一絲不苟，踏入餐廳都覺得多了份貴氣。服務員態度親切，熟悉菜式的用料和烹調法，同時會替客人講解。
彈
座位不多，而且到19號才正式開張，現在只招待VIP，要食就要等和必須訂位，避免摸門釘。
食神評級
味道︰★★★★
服務︰★★★★
環境︰★★★★★
價錢︰★★★★
（以5★具為滿分）
睇路搵食
Aspasia（37638800）
地址︰尖沙嘴金巴利道39號2樓
營業時間︰星期一至日6:30am-11:00pm
座位︰88位
交通︰尖沙嘴地鐵站B出口，步行約10分鐘。