陳志雲(右)噚日接受商台嘅訪問,問佢頒獎禮有冇內定呢回事?陳志雲話:「梗係冇啦,不過都會有人搵我傾吓,好似每年啲音樂頒獎禮咁,好多唱片公司都會搵有份投票嘅人講吓佢哋旗下歌手有幾勤力,點樣值得攞獎。」問到台慶大合照,有冇排位呢回事?陳志雲就話:「都有少少,咁都要尊重番一啲有江湖地位嘅藝人,畀佢哋企正中間位。」