【悉尼直擊】千呼萬喚的徐子淇李家誠世紀豪華婚禮，今日正式在澳洲悉尼舉行，昨晚二人先在當地一客運碼頭內的高級餐廳舉行婚前歡迎晚宴，身材圓潤不少兼胸部勁升cup的準新娘徐子淇，戴上價值連城的珠寶喜孜孜地接受訪問，提到被傳懷孕四個月，子淇語帶嬌羞地說：「我都想快啲有呀。」
現年35歲的恒基兆業二公子李家誠（Martin）與24歲的徐子淇（Cathy）今日在澳洲悉尼結婚，二人拍拖僅兩年多即拉埋天窗，子淇為做其千億豪門少奶奶，也修心養性退出娛樂圈。雖然二人的婚禮地點一改再改，昨日終揭盅是在澳洲悉尼的RoyalBotanicGardens。澳洲時間昨晚8時(香港時間5:00pm)，二人先在悉尼CircularQuayWest區內客運碼頭（OverseasPassangerTerminal）的OceanRoom舉行婚前歡迎晚宴，主人家加賓客共150人。
明艷照人
子淇露nudebra
李、徐兩家乘坐黑色寶馬七系房車抵達餐廳，近8時一對準新人最先到場，李家誠身穿黑禮服結銀白圓點煲呔，徐子淇則穿上價值15萬元的金色Escada晚裝，並配以總值估計逾數千萬的首飾，包括粉紅藍寶石鑽石頸鏈、五卡鑽戒、鑽石手鏈、耳環及髮飾等，其行頭加上聘禮及婚禮婚宴等費用，花費逾億元。李家誠被問到心情是否緊張時，他笑笑口說：「好開心，唔緊張呀。」問他覺得子淇有甚麼優點？他說：「呢啲大把機會聽日（即今日）講畀你哋聽啦。」
至於明艷照人的子淇則不慎露出nudebra，她講述心情說：「一啲都唔緊張，好似同朋友食餐飯咁之嘛。」至於為何近日身形暴脹，她說：「可能耐冇行騷，所以肥咗囉。」提到她懷孕四個月的傳聞時，她說：「梗係唔係啦！我都想快啲有呀，快啲吖。」
誠意求婚
「鮮花戒指跪地都要」
至晚宴中段約9時，一對新人再出來接受訪問，記者問子淇手上的五卡巨鑽是否結婚戒指時，她開心笑說：「係呀，Martin話係佢自己掘自己磨嘅。見佢咁有心咪嫁畀佢囉。」問李家誠如何求婚成功？他說：「誠意囉，男仔要做嘅嘢囉，鮮花、戒指同跪地都要啦。」記者叫李家誠當眾講一次對子淇的愛的宣言，他說：「我已經同佢講晒㗎啦。」是否環遊世界度蜜月？子淇即搶答：「係呀，80日環遊世界呀。」在旁的李家誠則正經補充說：「其實係度一個月蜜月至真。」
問到二人為何選擇在澳洲舉行婚禮，子淇說：「我喺澳洲長大，好似回到家鄉咁，而且我哋希望有一個夏天嘅婚禮，其實婚禮已經計劃咗一年。」李家誠也搭嘴說：「夏天感覺係開心啲嘅。」記者再指子淇真的胖了不少，她嬌嗲說：「我真係好瘦㗎啦，結婚唔一定要減肥，鍾意食咪食囉！唔想畀自己咁大壓力。」李家誠也大讚子淇現時身形「啱啱好」。
雀躍新娘
「開心有個咁好老公」
最後子淇有感而發說：「我哋拍咗拖兩年幾，當中有好多唔真實嘅報道，我哋變咗小說主角，好多嘢自己冇辦法理到。其實最緊要開心，我好開心有個咁好嘅老公。今次我哋結婚真係好好，好多人拍拖都因為傳媒壓力要分開，我哋好好，一直咁好，仲結到婚。」記者指子淇嫁入豪門，名副其實是灰姑娘時，她調皮地說：「我不嬲都係。」李家誠即說：「咁我係王子囉。」
採訪：何永寧、梁錦雯 攝影：葉君海
