睇咗小松本CoCo本新書《日式和菓子》後，知道原來不同的和菓子，代表不同季節的意境，每一款均意味着大自然向人類的呼喚。四月遍地櫻花，就有櫻餅和賞花糰子；十二月天氣嚴寒，就蒸出溫泉般熱騰騰的饅頭，令人頓感暖洋洋；而以時節區分的話，一年之始的一月，又有各款精巧的宮廷式糕點賀新春。正是月月新款，不時不食的典範。
記者：劉昱蘭
攝影：楊錦文
和菓子甜得有道理
點分類？
基本上所有日式的甜點，都統稱為和菓子。所以和菓子家族龐大，除咗可按月份分類，亦有洋羮、饅頭、年糕、大福、銅鑼燒、葛菓子、櫻餅、煎餅等種類細分。
點解甜得咁緊要？
當日本仲係一個封閉島國時，自己沒有製糖的技術，後來慢慢知道有糖呢樣嘢，數量少自然珍貴，覺得愈多糖愈甜就愈係好嘢，所以好多和菓子都係甜到漏。
自製有乜基本技巧？
今次做的4款和菓子，已包含了3個基本技巧，即壓出蛋碎、蒸饅頭及弄「求肥」，求肥即係整花瓣餅嗰嚿白色粉糰。日本人會將粉糰搓成長條狀，分成數段打個結，外形有如一個拇指頭大的白色波仔，叫求肥糖，用作品茗時配食的甜點，所以，它的甜法真係食兩粒已經夠。
十二月田舍和菓子
柚子饅頭
需時︰20分鐘
材料：熱香餅粉150g、紅豆餡100g、蛋黃2個、糖/水各2湯匙、柚子皮適量、5cm×5cm蒸物用紙6張
做法：
1.柚子皮切碎。蛋黃、水及糖拌勻後，加入熱香餅粉揉成粉糰。
2.紅豆餡及粉糰各分成6小份，每份包入1份紅豆餡，然後沾上柚子皮碎。
3.於封口鋪上蒸物用紙，將柚子饅頭放入蒸籠，蒸8至10分鐘即成。
田舍番薯
需時︰20分鐘
材料：日本番薯400g、糖2杯、味醂2湯匙、鹽/油/黃豆粉/黑芝麻各適量
做法
1.番薯連皮洗淨，輪切成約1.5cm厚，蒸約10分鐘。取番薯用模具，套出番薯外皮成約5mm圓圈，另番薯肉壓成茸。
2.將番薯茸拌入糖、味醂、鹽調勻至軟滑；番薯外皮炸至金黃。
3.番薯茸用篩壓出小粒，放入番薯皮圈內，撒上黃豆粉及黑芝麻即成。
一月精巧和菓子
三色時雨蛋糕
需時︰30分鐘
材料：雞蛋5隻、糖霜6湯匙、青紫菜粉/鹽各適量
做法
1.雞蛋烚至全熟，取出攤涼，分開蛋白和蛋黃，將蛋白和蛋黃分別放在粉篩上用木匙搗碎。
2.已搗碎之蛋白及蛋黃，分別拌入3湯匙糖霜和少許鹽。
3.在小型長餅盤內，先平均地鋪上蛋白茸，撒上青紫菜粉，最後放蛋黃茸。蓋上錫紙，並在錫紙上針上小孔，蒸15分鐘即成。
花瓣餅
需時︰30分鐘
材料：牛蒡約10cm（選幼身的）、白玉粉100g、清水6湯匙、糖70g、片栗粉/栗子茸/油/粉紅色食用染料各適量
做法
1.牛蒡切成幼長條，炸至金黃。清水逐少逐少加入白玉粉內，輕輕揉搓成糰，搓至粉糰沒有粉粒。燒熱水，把粉糰撕開放滾水中，煮至粉糰浮面便撈出，瀝亁水份。
2.粉糰放入易潔鑊中，加糖炒勻，攪炒麵糰至有黏度和張力，分成2份。一份保持原色，放在片栗粉上，用麵棒輾成約5mm厚。另一份拌入粉紅色食用染料放在片栗粉上，用麵棒輾成約5mm厚。
3.將粉紅色皮放在原色皮上，塗上栗子茸作餡，用模具刻出約8cm圓餅，再放上炸牛蒡後對摺即可。
超市資料
a.華潤萬家（葵涌）
葵涌禾塘咀街109至115號地下B及C號舖
24010605
b.惠康（荃灣）
荃灣眾安街55號英皇娛樂廣場地庫
24053975
c.百佳（荃灣）
荃灣惠荃路22至26號綠楊新邨市場
24024369