自從只係用幾條海豚海獅就片低米奇老鼠，海洋公園CEO、蘭桂坊教父盛智文簡直變成CEO之中的CEO，有好多人話，假如海洋公園上市而又繼續由佢run嘅話，一定會捧佢場咁話！
咁盛智文又點睇成個香港嘅休閒娛樂事業發展前景呢？原來最緊要係將啲城市人帶到海邊同埋加強綠化！盛生話，香港個heart係維港，但周圍愈來愈多肉酸嘅建築物，根本冇嘢可以畀人睇。要令香港更加sexy，就要令啲人行去海邊……咁點行出海邊呢佢又冇講。
計華華話，身兼盈大地產執行董事的他，應該諗諗點樣響數碼港同貝沙灣搞搞佢，事關嗰度貼正個海邊又有大把地方，如果有個數碼海濱蘭桂坊，再加幾間有品味同格調嘅露天食肆，你話係咪諗吓都興奮呢？